Una farturruta ye una ruta curtia que termina nun restorán.
Toles farturrutes d’esti llibru tán concienciudamente planificaes acordies col tiempu del añu afayadizu p’andales. Poro, vas bañate en sableres paradisiaques, vas travesar viesques máxiques, vas esfrecer una botella sidra na nieve mientres contemples dalgún de los montes más espectaculares del mundiu y vas xubir a brañes enllenes de color y vida.
Acabamos les farturrutes nun chigre. Quiximos rellacionar la farturruta cola cocina más tradicional, como un homenaxe a una cultura d’antaño que munches muyeres guisanderes tresmitieron de xeneración en xeneración. Pero tamién vas atopar dalguna esceición sorprendente.

El autor
El mio nome ye David López Castañón y dedícome profesionalmente a diseñar software nuna empresa d’informática.
Dende va 15 años escribo en Les Fartures, onde pudi xunir les dos mios grandes pasiones: la
gastronomía y la fotografía, yá sía de productu o de paisax.
Autor del llibru Les Fartures, ónde comer bien n’Asturies, n’edición en castellán y n’asturianu, lo que supunxo la primer guía gastronómica en llingua asturiana.
Collaboro con dellos periódicos, revistes y programes de radiu falando de gastronomía y Asturies polo xeneral.